ಬಣ್ಣಗಳು

ಈ ಬ್ಲಾಗ್ ರಚನೆ ಮಾಡಲು ಮಾರ್ಗದರ್ಶನ ಮಾಡಿದವರು ನನ್ನ ತಂದೆ

 ದಿll ಮಾನಪ್ಪ ಮಹೇಂದ್ರ, 

ನಿವೃತ್ತ ಹಿರಿಯ ಸಹಾಯಕ ನಿರ್ದೇಶಕರು (ಚಿತ್ರಕಲಾ ವಿಭಾಗ), ಆಯುಕ್ತರ ಕಛೇರಿ, ಬೆಂಗಳೂರು. 

ಶಿಕ್ಷಣ ಇಲಾಖೆಯಲ್ಲಿ ಚಿತ್ರಕಲಾ ವಿಭಾಗದ ಪ್ರಪ್ರಥಮ ಹಿರಿಯ ಸಹಾಯಕ ನಿರ್ದೇಶಕರು

ಈ ಬ್ಲಾಗ್ ರಚನೆ ಮಾಡಿಕೊಟ್ಟ ಮನೋಹರ R ಮತ್ತು ಚಿತ್ರಕಲಾ ಶಿಕ್ಷಕರ ಬಳಗಕ್ಕೆ ಹಾಗೂ What's app ಕೃಪೆಗೂ ನನ್ನ ಕೃತಜ್ಞತೆ ಸಲ್ಲಿಸುತೆನೆ

-----------------------------------------------------------------------------

 👆 ವಿಡಿಯೋ ಕೃಪೆ ಮಂಜಣ್ಣ ನಾಯಕ್ ಚಿತ್ರಕಲಾ ಶಿಕ್ಷಕರು ತೀರ್ಥಹಳ್ಳಿ 

ವರ್ಣಗಳು(ಬಣ್ಣಗಳು) ಸಾಮಾನ್ಯವಾಗಿ ಎಲ್ಲಾ ಚಿತ್ರಕಲಾ ಶಿಕ್ಷಕರಿಗೂ ತಿಳಿದಿರಲೇಬೇಕಾದ ವಿಷಯ ಯಾಕೆಂದರೆ ಬಣ್ಣಗಳು ಇರೋದರಿಂದಲೆನೇ ಎಲ್ಲಾ ಕಲಾವಿದರಿಗೂ ಮೆರುಗು ಬಂದಿರೋ ವಿಷಯ ಅಲ್ಲಗೆಳೆಯುವಂತಿಲ್ಲಾ. ಇಲ್ಲಿ ಬಣ್ಣಗಳ ಬಗ್ಗೆ ಸ್ವಲ್ಪ ಮಟ್ಟಿಗೆ ಪರಿಚಯಿಸುತ್ತಿದ್ದೇನೆ.
ಸಾಮಾನ್ಯವಾಗಿ ನೈಸರ್ಗಿಕವಾಗಿ ಸಿಗುವಂತಹ ಬಣ್ಣಗಳನ್ನು ಪ್ರಾಥಮಿಕ ಹಂತದ ಬಣ್ಣಗಳೆಂದು ನಾವು ಕರೆಯುತ್ತೇವೆ. ಅವು ಕೆಂಪು, ಹಳದಿ, ನೀಲಿ ಬಣ್ಣಗಳೆಂದು ನೀವೀಗಾಗಲೇ ತಿಳಿದಿರುವಿರಿ. ಇನ್ನು ಈ ಪ್ರಾಥಮಿಕ ಹಂತದ ಬಣ್ಣಗಳನ್ನು ಒಂದರಲ್ಲಿ ಇನ್ನೊಂದು ಬೆರಸಿದಾಗ ಸಿಗುವಂತಹ ಬಣ್ಣಗಳು ದ್ವಿತೀಯ ಹಂತದ ಬಣ್ಣಗಳಾಗಿವೆ ಅವು ಕೇಸರಿ, ಹಸಿರು, ನೇರಳೆ, ಹಾಗೇಯೇ ಈ ದ್ವಿತೀಯ ಹಂತದ ಬಣ್ಣಗಳನ್ನು ಒಂದರಲ್ಲಿ ಇನ್ನೊಂದನ್ನ ಸೇರಿಸಿದಾಗ ಸಿಗುವಂತಹ ಬಣ್ಣಗಳನ್ನು ನಾವು ತೃತೀಯ ಹಂತದ ಬಣ್ಣಗಳೆಂದು ಹೇಳುತ್ತೇವೆ   ಕಂದುಗೆಂಪು, ಇಪ್ಪೇ ಎಲೆ, ಹಾಗೂ ಪಾಚಿಯಬಣ್ಣ. ಹಾಗೇಯೇ ಮತ್ತೇ ಇವುಗಳನ್ನು ಒಂದರಲ್ಲಿ ಇನ್ನೊಂದು ಅಥವಾ ಹಲವು ಬಣ್ಣಗಳನ್ನು ಸೇರಿಸಿದಾಗ ನಿಮಗೆ ಹಲವಾರು ಬಣ್ಣಗಳು ಸಿಗುತ್ತವೆ ಅವುಗಳೆಲ್ಲವೂ ಸಾಮರಸ ಬಣ್ಣಗಳೆಂದು ನಾವು ಈಗಾಗಲೇ ತಿಳಿದು ಕೊಂಡಿದ್ದೇವೆ.
   + ಬಣ್ಣಗಳ ಸಂಕೇತಗಳು+
 ಮುಖ್ಯವಾಗಿ ಶಿಕ್ಷಕರು ಈ ಬಣ್ಣಗಳ ಸಂಕೇತಗಳನ್ನ ತಿಳಿದುಕೊಂಡರೆ ತುಂಬಾ ಅನುಕೂಲ ಕಾರಣ ಎಲ್ಲಾ ಬಣ್ಣಗಳು ಒಂದೊಂದು ಅಥವಾ ಹಲವಾರು ವಿಷಯಗಳನ್ನು ಸೂಚಿಸುತ್ತವೆ ಹೀಗಾಗಿ ನಾವು ಯಾವುದೇ ವಿಷಯದ ಚಿತ್ರ ಬಿಡಿಸಲು ಹೇಳಿದಾಗ ಆ ವಿಷಯವನ್ನು ಸೂಚಿಸುವ ಬಣ್ಣಗಳನ್ನು ಬಳಸಿದರೆ ಪ್ರಗತಿಯನ್ನ ಕಾಣಬಹುದು.
ಬಿಳಿ--ಹಾಸ್ಯರಸ. 
ಶ್ಯಾಮ್--ಶೃಂಗಾರ ರಸ
ಬೂದು-- ಕರುಣ ರಸ
ಕೆಂಪು---ರೌದ್ರ ರಸ
ಕಪ್ಪು---ಭಯಾನಕ
ನೀಲಿ---ಭೀಭಸ್ತ ರಸ
ಹಳದಿ--- ಅದ್ಭುತ ರಸ
ಕೇಸರಿ---ತ್ಯಾಗ ರಸ
ಹಸಿರು---ಆನಂದ ರಸ
     +ಬಣ್ಣಗಳ ಸೂಚಕ+
ಬಿಳಿ---ಶಾಂತಿ
ಕೆಂಪು---ಅಪಾಯ
ಕೇಸರಿ---ತ್ಯಾಗ
ಹಳದಿ----ಸಂತೋಷ
ಹಸಿರು---ಸಮೃದ್ದಿ
ನೀಲಿ---ಶಾಂತಿ
ನೇರಳೆ---ಅಧಿಕಾರ
ಬೂದುಬಣ್ಣ---ಸಂಪ್ರದಾಯ
ಕಂದುಬಣ್ಣ---ಮುಗ್ದತೆ

ಬಿಳಿ ಬಣ್ಣ
ಬಿಳಿ ಅತ್ಯಂತ ತಿಳಿ ಬಣ್ಣವಾಗಿದೆ ಮತ್ತು ವರ್ಣರಹಿತವಾಗಿದೆ, ಏಕೆಂದರೆ ಅದು ಬೆಳಕಿನ ಎಲ್ಲ ಗೋಚರವಿರುವ ತರಂಗಾಂತರಗಳನ್ನು ಸಂಪೂರ್ಣವಾಗಿ ಪ್ರತಿಫಲಿಸುತ್ತದೆ ಮತ್ತು ಚೆದುರಿಸುತ್ತದೆ; ಅದು ತಾಜಾ ಹಿಮ, ಸೀಮೆಸುಣ್ಣ ಅಥವಾ ಹಾಲಿನ ಬಣ್ಣವಾಗಿದ್ದು, ಕಪ್ಪು ಪದದ ವಿರುದ್ಧಪದವಾಗಿದೆ.

ಯೂರೋಪ್ ಮತ್ತು ಅಮೇರಿಕದಲ್ಲಿನ ಸಮೀಕ್ಷೆಗಳ ಪ್ರಕಾರ, ಬಿಳಿಯು ಬಹುತೇಕ ವೇಳೆ ಪರಿಪೂರ್ಣತೆ, ಶುಭ, ಪ್ರಾಮಾಣಿಕತೆ, ಸ್ವಚ್ಛತೆ, ಆರಂಭ, ನವೀನ, ತಟಸ್ಥತೆ ಮತ್ತು ನಿಖರತೆಯೊಂದಿಗೆ ಸಂಬಂಧಿಸಲಾದ ಬಣ್ಣವಾಗಿದೆ.[೧] ಬಿಳಿಯು ಬಹುತೇಕ ಎಲ್ಲ ವಿಶ್ವ ಧರ್ಮಗಳಿಗೆ ಒಂದು ಪ್ರಮುಖ ಬಣ್ಣವಾಗಿದೆ. ರೋಮನ್ ಕ್ಯಾಥೊಲಿಕ್ ಚರ್ಚ್‌ನ ಮುಖ್ಯಸ್ಥರಾದ ಪೋಪ್, ೧೫೬೬ರಿಂದ ಶುದ್ಧತೆ ಮತ್ತು ತ್ಯಾಗದ ಸಂಕೇತವಾಗಿ ಬಿಳಿ ವಸ್ತ್ರವನ್ನೇ ಧರಿಸಿದ್ದಾರೆ. ಇಸ್ಲಾಂ ಮತ್ತು ಜಪಾನ್‍ನ ಶಿಂಟೊ ಧರ್ಮದಲ್ಲಿ ಪ್ರಯಾಣಿಕರು, ಮತ್ತು ಭಾರತದಲ್ಲಿ ಬ್ರಾಹ್ಮಣರು ಬಿಳಿ ವಸ್ತ್ರ ಧರಿಸುತ್ತಾರೆ. ಪಾಶ್ಚಾತ್ಯ ಸಂಸ್ಕೃತಿಗಳಲ್ಲಿ ಮತ್ತು ಜಪಾನ್‍ನಲ್ಲಿ, ಶುದ್ಧತೆ ಮತ್ತು ಕನ್ಯತ್ವವನ್ನು ಸಂಕೇತಿಸುವ ಬಿಳಿಯು ಮದುವೆ ಉಡುಪುಗಳಿಗೆ ಅತ್ಯಂತ ಸಾಮಾನ್ಯ ಬಣ್ಣವಾಗಿದೆ. ಅನೇಕ ಏಷ್ಯನ್ ಸಂಸ್ಕೃತಿಗಳಲ್ಲಿ, ಬಿಳಿಯು ಶೋಕಾಚರಣೆಯ ಬಣ್ಣವೂ ಆಗಿದೆ.

ಕಣ್ಣಿನ ಒಳಬರುವ ಬೆಳಕು ಕಣ್ಣಿನಲ್ಲಿನ ಎಲ್ಲ ಮೂರು ಬಗೆಗಳ ವರ್ಣಸೂಕ್ಷ್ಮ ಕೋನ್ ಕೋಶಗಳನ್ನು ಸ್ಥೂಲವಾಗಿ ಸಮಾನ ಪ್ರಮಾಣಗಳಲ್ಲಿ ಉದ್ರೇಕಿಸಿದಾಗ, ಮಾನವ ದೃಷ್ಟಿ ವ್ಯವಸ್ಥೆಯು ಬೆಳಕನ್ನು ಬಿಳಿ ಎಂದು ಗ್ರಹಿಸುತ್ತದೆ. ಸ್ವತಃ ಅವೇ ಬೆಳಕನ್ನು ಹೊರಸೂಸದ ವಸ್ತುಗಳ ಮೇಲ್ಮೈಗಳು ಅವುಗಳ ಮೇಲೆ ಬೀಳುವ ಬೆಳಕಿನ ಬಹುತೇಕ ಭಾಗವನ್ನು ವಿಸ್ತೃತ ರೀತಿಯಲ್ಲಿ ಪ್ರತಿಫಲಿಸಿದಾಗ ಈ ವಸ್ತುಗಳು ಬಿಳಿಯಾಗಿ ಕಾಣುತ್ತವೆ.

೧೬೬೬ರಲ್ಲಿ, ಬಿಳಿ ಬಣ್ಣವನ್ನು ಅಶ್ರಗದ ಮೂಲಕ ಹಾಯಿಸಿ ಅದನ್ನು ಅದರ ಸಮ್ಮಿಳಿತ ಬಣ್ಣಗಳಾಗಿ ವಿಭಜಿಸಬಹುದೆಂದು, ನಂತರ ಎರಡನೇ ಅಶ್ರಗವನ್ನು ಬಳಸಿ ಅವುಗಳನ್ನು ಪುನಃ ಸೇರಿಸಬಹುದೆಂದು ಐಸ್ಯಾಕ್ ನ್ಯೂಟನ್ ತೋರಿಸಿಕೊಟ್ಟರು. ನ್ಯೂಟನ್‍ನ ಮೊದಲು, ಬಿಳಿಯು ಬೆಳಕಿನ ಮೂಲಭೂತ ಬಣ್ಣ ಎಂದು ಬಹುತೇಕ ವಿಜ್ಞಾನಿಗಳು ನಂಬಿದ್ದರು.

ಬಿಳಿ ಬೆಳಕನ್ನು ಸೂರ್ಯ, ನಕ್ಷತ್ರಗಳು, ಮತ್ತು ಪ್ರತಿದೀಪಕ ದೀಪಗಳು, ಬಿಳಿ ಎಲ್‍ಇಡಿಗಳು ಮತ್ತು ಪ್ರಕಾಶಮಾನ ದೀಪಗಳಂತಹ ಭೂಬದ್ಧ ಮೂಲಗಳು ಉತ್ಪನ್ನ ಮಾಡುತ್ತವೆ. ಬಣ್ಣದ ಟಿವಿ ಅಥವಾ ಕಂಪ್ಯೂಟರ್‍ನ ಪರದೆಯ ಮೇಲೆ, ಬೆಳಕಿನ ಪ್ರಾಥಮಿಕ ಬಣ್ಣಗಳಾದ ಕೆಂಪು, ಹಸಿರು ಮತ್ತು ನೀಲಿಯನ್ನು ಪೂರ್ಣ ತೀವ್ರತೆಯಲ್ಲಿ ಮಿಶ್ರಣಮಾಡಿ ಬಿಳಿ ಬಣ್ಣವನ್ನು ಉತ್ಪನ್ನ ಮಾಡಲಾಗುತ್ತದೆ. ಈ ಪ್ರಕ್ರಿಯೆಯನ್ನು ಸಂಯೋಜನೀಯ ಮಿಶ್ರಣ ಎಂದು ಕರೆಯಲಾಗುತ್ತದೆ.
ಹಸಿರು
ಆಂಗ್ಲ ಭಾಷೆಯಲ್ಲಿ ಗ್ರೀನ ಎಂಬ ಹೆಸರು ಇದೆ.ಹಸಿರು ಬಣ್ಣವು ನೀಲಿ ಮತ್ತು ಹಳದಿ ಬಣ್ಣದ ಗೋಚರ ಬೆಳಕಿನ ವರ್ಣದ ಬಣ್ಣವಾಗಿದೆ. ಸರಿಸುಮಾರಾಗಿ ಒಂದು ಪ್ರಮುಖ ತರಂಗಾಂತರದೊಂದಿಗೆ ಬೆಳಕಿನಿಂದ ಇದು ಹೊರಹೊಮ್ಮುತ್ತದೆ. ಚಿತ್ರಕಲೆ ಮತ್ತು ಬಣ್ಣದ ಮುದ್ರಣದಲ್ಲಿ ಬಳಸಿದ ಕಳೆಯುವ ಬಣ್ಣದ ವ್ಯವಸ್ಥೆಯಲ್ಲಿ, ಇದು ಹಳದಿ ಮತ್ತು ನೀಲಿ, ಅಥವಾ ಹಳದಿ ಮತ್ತು ಹಸಿರು ಬಣ್ಣಗಳ ಸಂಯೋಜನೆಯಿಂದ ರಚಿಸಲ್ಪಟ್ಟಿದೆ; ಟೆಲಿವಿಷನ್ ಮತ್ತು ಕಂಪ್ಯೂಟರ್ ಪರದೆಯ ಮೇಲೆ ಬಳಸಲಾಗುವ ಆರ್ಜಿಬಿ ಬಣ್ಣ ಮಾದರಿಯಲ್ಲಿ, ಕೆಂಪು ಮತ್ತು ನೀಲಿ ಬಣ್ಣಗಳ ಜೊತೆಯಲ್ಲಿ ಸಂಯೋಜಿತ ಪ್ರಾಥಮಿಕ ಬಣ್ಣಗಳಲ್ಲಿ ಒಂದಾಗಿದೆ, ಇದು ಎಲ್ಲಾ ಇತರ ಬಣ್ಣಗಳನ್ನು ರಚಿಸಲು ವಿಭಿನ್ನ ಸಂಯೋಜನೆಯಲ್ಲಿ ಮಿಶ್ರಣವಾಗಿದೆ.

ಆಧುನಿಕ ಇಂಗ್ಲಿಷ್ ಪದ ಗ್ರೀನ್ ಮಧ್ಯ ಇಂಗ್ಲಿಷ್ ಮತ್ತು ಆಂಗ್ಲೋ-ಸ್ಯಾಕ್ಸನ್ ಪದ ಗ್ರೆನ್ ನಿಂದ ಬರುತ್ತದೆ, "ಹುಲ್ಲು" ಮತ್ತು "ಬೆಳೆಯು" ಎಂಬ ಪದಗಳಂತೆಯೇ ಅದೇ ಜರ್ಮನ್ ಮೂಲದಿಂದ. ಇದು ಜೀವಂತ ಹುಲ್ಲು ಮತ್ತು ಎಲೆಗಳ ಬಣ್ಣವಾಗಿದೆ ಮತ್ತು ಪರಿಣಾಮವಾಗಿ ವಸಂತಕಾಲದ, ಬೆಳವಣಿಗೆ ಮತ್ತು ಪ್ರಕೃತಿಯೊಂದಿಗೆ ಹೆಚ್ಚು ಬಣ್ಣವನ್ನು ಬಣ್ಣಿಸಲಾಗಿದೆ. ಪ್ರಕೃತಿಯಲ್ಲಿ ಹಸಿರುಗೆ ಅತಿ ದೊಡ್ಡ ಕೊಡುಗೆ ನೀಡುವುದು ಕ್ಲೋರೊಫಿಲ್, ಸೂರ್ಯನ ಬೆಳಕನ್ನು ರಾಸಾಯನಿಕ ಶಕ್ತಿಯನ್ನಾಗಿ ಪರಿವರ್ತಿಸುವ ರಾಸಾಯನಿಕವನ್ನು ರಾಸಾಯನಿಕವಾಗಿ ಉತ್ಪತ್ತಿ ಮಾಡುತ್ತದೆ. ಅನೇಕ ಜೀವಿಗಳು ಹಸಿರು ಬಣ್ಣವನ್ನು ತಮ್ಮನ್ನು ಮರೆಮಾಚುವ ಮೂಲಕ ತಮ್ಮ ಹಸಿರು ಪರಿಸರದಲ್ಲಿ ಅಳವಡಿಸಿಕೊಂಡಿದ್ದಾರೆ. ಹಲವಾರು ಖನಿಜಗಳು ಹಸಿರು ಬಣ್ಣವನ್ನು ಹೊಂದಿರುತ್ತವೆ, ಅದರಲ್ಲಿ ಪಚ್ಚೆ, ಅದರ ಕ್ರೋಮಿಯಂ ವಿಷಯದಿಂದ ಹಸಿರು ಬಣ್ಣವನ್ನು ಹೊಂದಿರುತ್ತದೆ.

ಯುರೋಪ್ ಮತ್ತು ಅಮೆರಿಕಾ ಸಂಯುಕ್ತ ಸಂಸ್ಥಾನಗಳಲ್ಲಿ ಮಾಡಿದ ಸಮೀಕ್ಷೆಗಳಲ್ಲಿ ಹಸಿರು ಸಾಮಾನ್ಯವಾಗಿ ಪ್ರಕೃತಿ, ಜೀವನ, ಆರೋಗ್ಯ, ಯುವ, ವಸಂತ, ಭರವಸೆ ಮತ್ತು ಅಸೂಯೆಗೆ ಸಂಬಂಧಿಸಿದೆ.ಯುರೋಪ್ ಮತ್ತು ಯು.ಎಸ್.ನಲ್ಲಿ ಹಸಿರು ಕೆಲವೊಮ್ಮೆ ಸಾವಿನೊಂದಿಗೆ ಸಂಬಂಧಿಸಿದೆ (ಹಸಿರು ಹಲವಾರು ತೋರಿಕೆಯಲ್ಲಿ ವಿರುದ್ಧವಾದ ಸಂಘಗಳು), ಅನಾರೋಗ್ಯ, ಅಥವಾ ದೆವ್ವದ, ಆದರೆ ಚೀನಾದಲ್ಲಿ ಅದರ ಸಂಘಗಳು ಫಲವತ್ತತೆ ಮತ್ತು ಸಂತೋಷದ ಸಂಕೇತದಂತೆ ಬಹಳ ಸಕಾರಾತ್ಮಕವಾಗಿವೆ. ಮಧ್ಯಕಾಲೀನ ಯುಗ ಮತ್ತು ನವೋದಯದಲ್ಲಿ, ವಸ್ತ್ರಗಳ ಬಣ್ಣವು ಮಾಲೀಕರ ಸಾಮಾಜಿಕ ಸ್ಥಾನಮಾನವನ್ನು ತೋರಿಸಿದಾಗ, ವ್ಯಾಪಾರಿಗಳು, ಬ್ಯಾಂಕರ್ಗಳು ಮತ್ತು ಜೆಂಟ್ರಿಗಳಿಂದ ಹಸಿರು ಬಣ್ಣವನ್ನು ಧರಿಸಲಾಗುತ್ತಿತ್ತು, ಆದರೆ ಕೆಂಪು ಬಣ್ಣವು ಶ್ರೀಮಂತರ ಬಣ್ಣವಾಗಿತ್ತು. ಲಿಯೊನಾರ್ಡೊ ಡಾ ವಿನ್ಸಿ ಅವರು ಮೊನಾಲಿಸಾ ಹಸಿರು ಬಣ್ಣವನ್ನು ಧರಿಸುತ್ತಾರೆ, ಅವಳು ಉದಾತ್ತ ಕುಟುಂಬದಿಂದಲ್ಲ;ಬ್ರಿಟಿಷ್ ಹೌಸ್ ಆಫ್ ಕಾಮನ್ಸ್ನಲ್ಲಿನ ಬೆಂಚುಗಳು ಹಸಿರು ಬಣ್ಣದ್ದಾಗಿದ್ದು ಹೌಸ್ ಆಫ್ ಲಾರ್ಡ್ಸ್ನಲ್ಲಿ ಕೆಂಪು ಬಣ್ಣವು ಕೆಂಪು ಬಣ್ಣದ್ದಾಗಿದೆ.ಗ್ರೀನ್ ಸುರಕ್ಷತೆ ಮತ್ತು ಅನುಮತಿಯ ಸಾಂಪ್ರದಾಯಿಕ ಬಣ್ಣವಾಗಿದೆ; ಒಂದು ಹಸಿರು ಬೆಳಕು ಅರ್ಥ ಮುಂದೆ ಹೋಗಿ, ಒಂದು ಹಸಿರು ಕಾರ್ಡ್ ಯುನೈಟೆಡ್ ಸ್ಟೇಟ್ಸ್ನಲ್ಲಿ ಶಾಶ್ವತ ನಿವಾಸವನ್ನು ಅನುಮತಿಸುತ್ತದೆ.ಇದು ಇಸ್ಲಾಂ ಧರ್ಮದಲ್ಲಿನ ಅತ್ಯಂತ ಪ್ರಮುಖ ಬಣ್ಣವಾಗಿದೆ. ಇದು ಮುಹಮ್ಮದ್ನ ಬ್ಯಾನರ್ನ ಬಣ್ಣವಾಗಿತ್ತು, ಮತ್ತು ಇದು ಬಹುತೇಕ ಎಲ್ಲಾ ಇಸ್ಲಾಮಿಕ್ ರಾಷ್ಟ್ರಗಳ ಧ್ವಜಗಳಲ್ಲಿ ಕಂಡುಬರುತ್ತದೆ ಮತ್ತು ಪ್ಯಾರಡೈಸ್ನ ಸಮೃದ್ಧ ಸಸ್ಯವರ್ಗವನ್ನು ಪ್ರತಿನಿಧಿಸುತ್ತದೆ. ಇದು ಸಾಮಾನ್ಯವಾಗಿ ಗೇಲಿಕ್ ಐರ್ಲೆಂಡ್ ಸಂಸ್ಕೃತಿಯೊಂದಿಗೆ ಸಂಬಂಧ ಹೊಂದಿದೆ, ಮತ್ತು ಇದು ಐರ್ಲೆಂಡ್ನ ಧ್ವಜದ ಬಣ್ಣವಾಗಿದೆ. ಪ್ರಕೃತಿಯೊಂದಿಗಿನ ಅದರ ಸಂಬಂಧದಿಂದಾಗಿ, ಅದು ಪರಿಸರ ಚಳವಳಿಯ ಬಣ್ಣವಾಗಿದೆ. ಪರಿಸರ ರಕ್ಷಣೆ ಮತ್ತು ಸಾಮಾಜಿಕ ನ್ಯಾಯವನ್ನು ಸಮರ್ಥಿಸುವ ರಾಜಕೀಯ ಗುಂಪುಗಳು ತಮ್ಮನ್ನು ಗ್ರೀನ್ ಚಳುವಳಿಯ ಭಾಗವಾಗಿ ವಿವರಿಸುತ್ತವೆ, ಕೆಲವರು ತಮ್ಮನ್ನು ಗ್ರೀನ್ ಪಕ್ಷಗಳೆಂದು ಹೆಸರಿಸುತ್ತಾರೆ. ಇದು ಜಾಹೀರಾತುಗಳಲ್ಲಿ ಇದೇ ರೀತಿಯ ಕಾರ್ಯಾಚರಣೆಗಳಿಗೆ ಕಾರಣವಾಗಿದೆ, ಏಕೆಂದರೆ ಕಂಪನಿಗಳು ಹಸಿರು ಅಥವಾ ಪರಿಸರ ಸ್ನೇಹಿ ಉತ್ಪನ್ನಗಳನ್ನು ಮಾರಾಟ ಮಾಡಿದೆ.

ಕೆಂಪು
  (disambiguation).

ಸ್ಥೂಲವಾಗಿ 630–740 nmಗಳಷ್ಟು ತರಂಗದೂರ ವ್ಯಾಪ್ತಿಯಲ್ಲಿ ಪ್ರಧಾನವಾಗಿ ಮಾನವ ಕಣ್ಣು ಗ್ರಹಿಸಬಲ್ಲ ದೀರ್ಘವಾದ ತರಂಗದೂರಗಳಲ್ಲಿರುವ ಬೆಳಕಿನಲ್ಲಿರುವ ಬಹು ಸಂಖ್ಯೆಯ ಸದೃಶ ವರ್ಣ/ಬಣ್ಣಗಳಲ್ಲಿ ಯಾವುದೇ ಬಣ್ಣವು ಕೆಂಪು ಆಗಿರುತ್ತದೆ.[2] ಇದಕ್ಕಿಂತ ಉದ್ದವಾದ ತರಂಗದೂರಗಳನ್ನು ಅತಿಗೆಂಪು ಅಥವಾ ರಕ್ತಾತೀತ (ಕೆಂಪಿಗಿಂತ ಕೆಳಗಿನದು ) ಎಂದು ಕರೆಯಲಾಗುವುದಲ್ಲದೇ ಇವನ್ನು ಮಾನವನ ಬರಿಗಣ್ಣಿಂದ ನೋಡಲು ಸಾಧ್ಯವಿಲ್ಲ. ಕೆಂಪನ್ನು RGB ವರ್ಣ/ಬಣ್ಣ ವ್ಯವಸ್ಥೆಗಳಲ್ಲಿ ಹಸಿರುನೀಲಿಗೆ ಪೂರಕವಾಗಿ ಸಂಯೋಜನೀಯ/ಸೇರಿಸುವ ಬೆಳಕಿನ ಮೂಲ/ಪ್ರಾಥಮಿಕ ವರ್ಣ/ಬಣ್ಣಗಳಲ್ಲಿ ಒಂದಾಗಿ ಬಳಸಲಾಗುವುದು. RYB ವರ್ಣಾವಕಾಶದಲ್ಲಿ ಕೂಡಾ ಕಳೆಯುವ/ತೆಗೆಯುವ ಮೂಲ/ಪ್ರಾಥಮಿಕ ವರ್ಣ/ಬಣ್ಣಗಳಲ್ಲಿ ಕೂಡಾ ಒಂದಾಗಿರುವ ಕೆಂಪು CMYK ವರ್ಣಾವಕಾಶದಲ್ಲಿ ಹಾಗಿಲ್ಲ.

ಮಾಣಿಕ್ಯ (ರೂಬಿ)
ರೂಬಿ ಅಥವಾ ಮಾಣಿಕ್ಯ ಇದು ಗುಲಾಬಿ ಬಣ್ಣದಿಂದ ರಕ್ತ-ಕೆಂಪು ಬಣ್ಣದವರೆಗೆ ಇರುವ ರತ್ನದ ಹರಳಾಗಿದೆ, ಇದು ಖನಿಜ ಪಚ್ಚೆಯ (ಅಲ್ಯುಮಿನಿಯಮ್ ಆಕ್ಸೈಡ್) ಒಂದು ವಿಧವಾಗಿದೆ. ಇದರ ಕೆಂಪು ಬಣ್ಣವು ಮುಖ್ಯವಾಗಿ ಕ್ರೋಮಿಯಮ್ ಘಟಕದ ಅಸ್ತಿತ್ವದ ಕಾರಣದಿಂದ ಉಂಟಾಗುತ್ತದೆ. ಇದರ ಹೆಸರು ಕೆಂಪು ಎಂಬ ಅರ್ಥವನ್ನು ನೀಡುವ ಲ್ಯಾಟಿನ್‌ನ ರೂಬರ್ ಎಂಬ ಶಬ್ದದಿಂದ ತೆಗೆದುಕೊಳ್ಳಲ್ಪಟ್ಟಿದೆ. ಪಚ್ಚೆ ಹರಳಿನ-ಗುಣಮಟ್ಟದ ಇತರ ವಿಧಗಳು ಸ್ಯಾಫೈರ್‌ಗಳು (ಇಂದ್ರನೀಲ ವರ್ಣದ ಹರಳುಗಳು) ಎಂದು ಕರೆಯಲ್ಪಡುತ್ತವೆ. ಮಾಣಿಕ್ಯವು ಸ್ಯಾಫೈರ್, ಎಮರಾಲ್ಡ್‌ (ಪಚ್ಚೆ), ಮತ್ತು ವಜ್ರಗಳ ಜೊತೆಗಿನ ನಾಲ್ಕು ಅತ್ಯಮೂಲ್ಯವಾದ ಹರಳುಗಳಲ್ಲಿ ಒಂದು ಎಂಬುದಾಗಿ ಪರಿಗಣಿಸಲ್ಪಡುತ್ತದೆ.

ಕೆನ್ನೇರಳೆ
purple ಎಂಬ ಶಬ್ದವು ಹಳೆಯ ಇಂಗ್ಲಿಷ್ ಪದವಾದ purpul ಎಂಬ ಶಬ್ದದಿಂದ ಬಂದಿದೆ. ಇದು ಲ್ಯಾಟಿನ್ ಭಾಷೆಯ purpura ಎಂಬ ಮೂಲ ಪದದಿಂದ ಹುಟ್ಟಿಕೊಂಡಿದೆ. ಇದನ್ನು ಕೊಯ್ನಿ ಗ್ರಿಕದಿಂದ ಪಡೆಯಲಾಗಿದೆ, ಪ್ರಾಚೀನ ಸಂಪ್ರದಾಯದಂತೆ ಶ್ರೇಷ್ಠ ನೇರಳೆ ಬಣ್ಣವನ್ನು ಸ್ಪಿನ್ನಿ ಡೈ- ಮುರೆಕ್ಸ್‌ಸ್ನೈಲ್‌ನ(ಬಸವನ ಹುಳು) ಸಿಂಬಳ ಅಥವಾ ಅಂಟಿನಿಂದ ಟೈರಿಯನ್ ಪರ್ಪಲ್ ಡೈ ತಯಾರಿಸುತ್ತಾರೆ.

ಬಣ್ಣಗಳ ಜಗತ್ತು
                     ಕಾಮನಬಿಲ್ಲಿನ ಏಳು ಬಣ್ಣಗಳು ನಮ್ಮ ಕಣ್ಣಿಗೆ ಕಾಣಿಸುತ್ತವೆ. ಆದರೆ ಮನುಷ್ಯ ದೃಷ್ಟಿಗೆ ನಿಲುಕದ ಅದೆಷ್ಟೋ ಬಣ್ಣಗಳಿವೆ. ಅವುಗಳ ಅಧ್ಯಯನ ಕುತೂಹಲಕಾರಿ.

ಈ ಪ್ರಶ್ನೆಗೆ ಥಟ್ಟಂತ ಉತ್ತರ ದೊರೆಯುವುದು- ಕಾಮನ ಬಿಲ್ಲಿನಲ್ಲಿರುವ ಏಳು ಬಣ್ಣಗಳು ಅರ್ಥಾತ್‌- VIBGYOR -ನ್ಯೂಟನ್‌ನ ವರ್ಣಚಕ್ರ ಅಥವಾ ಪಟ್ಟಕ (ಪ್ರಿಸಂ)ದಲ್ಲಿ ಚದುರಿಸಲ್ಪಟ್ಟ ಬೆಳಕಿನ ವರ್ಣಪಟಲದಲ್ಲಿರುವ ಏಳು ಬಣ್ಣಗಳು. ಆದರೆ ಚಿತ್ರಕಲೆ ಯಲ್ಲಿ ಮೂಲಬಣ್ಣಗಳು ಎಂದು ಗುರುತಿಸಲ್ಪಟ್ಟ ಬಣ್ಣಗಳು ಕೇವಲ ಕೆಂಪು- ನೀಲಿ-ಹಳದಿ- ಈ ಮೂರು ಮಾತ್ರ. 

ಆಧುನಿಕ ಭೌತಶಾಸ್ತ್ರದ ಪ್ರಕಾರ ಮೂಲ ಬಣ್ಣಗಳು ಕೆಂಪು- ನೀಲಿ- ಹಸುರು. ಹಸುರು ಬಣ್ಣವು ನೀಲಿ-ಹಳದಿಗಳ ಮಿಶ್ರಣವಾದ್ದರಿಂದ ಅದು ಮೂಲಬಣ್ಣವಲ್ಲ ಎಂಬ ವಾದವೂ ಇದೆ. ಈ ತಲೆನೋವೇ ಬೇಡವೆಂದು ಇತ್ತೀಚಿನ ಡಿಕ್ಷನರಿಗಳಲ್ಲಿ ಕೆಂಪು- ನೀಲಿ- ಹಳದಿ- ಹಸುರು ಎಂಬ ನಾಲ್ಕು ಬಣ್ಣಗಳನ್ನು ಹೆಸರಿಸಲಾಗುತ್ತಿದೆ. ಬಿಳಿ ಮತ್ತು ಕಪ್ಪು ಮೂಲಬಣ್ಣಗಳೇ ಅಲ್ಲವಂತೆ, ಅವು ಮಿಶ್ರ ಬಣ್ಣಗಳಂತೆ! ಇನ್ನು ಹಸುರುಮಿಶ್ರಿತ ನೀಲಿ (ಸಯಾನ್‌)- ಕೆನ್ನೇರಳೆ (ಮಜೆಂಟಾ)- ಹಳದಿ- ಕಪ್ಪು (CMYK) ಬಣ್ಣಗಳನ್ನು ಬಹುವರ್ಣಗಳ ಚಿತ್ರಗಳನ್ನು ಮುದ್ರಿಸಲು ಮುದ್ರಣ ಮಾಧ್ಯಮದಲ್ಲಿ ಬಳಸಲಾಗುತ್ತದೆ. ಮಕ್ಕಳ ಕೈಗೆ ಕೊಡಲಾಗುವ ಕ್ರೆಯಾನ್‌ಗಳಲ್ಲಿ 12, 18, 24, 48 ಬಣ್ಣಗಳ ಛಾಯೆಗಳದ್ದೇ ಕಾರುಬಾರು. ವಾಟರ್‌ ಕಲರ್‌ ಮತ್ತು ಆಯಿಲ್‌ ಪೇಂಟ್‌ಗಳ ವಿವಿಧ ಮಿಶ್ರಣಗಳು ಹೊಸ ವರ್ಣ ಸಂಯೋಜನೆಗಳನ್ನು ಸಾಧ್ಯವಾಗಿಸುತ್ತವೆ. 


ಕಂಪ್ಯೂಟರ್‌ನಲ್ಲಿ ಬಳಕೆಯಾಗಿರುವ 256 ಬಣ್ಣಗಳು ಚಿತ್ರವನ್ನು ಕೆಟ್ಟದಾಗಿ ಕಾಣುವಂತೆ ಮಾಡಿದರೆ 16 ಬಿಟ್‌ ಅಥವಾ 32 ಬಿಟ್‌ ಸಂಯೋಜನೆಯು 16 ಅಥವಾ 32 ಮಿಲಿಯನ್‌ ಬಣ್ಣಗಳ ಸಂಯೋಜನೆಯನ್ನು ಸಾಧ್ಯವಾಗಿಸಿ ಹೈಡೆಫಿನಿಷನ್‌ ಚಿತ್ರವಾಗಿಸಿಬಿಡುತ್ತವೆ! ಬಣ್ಣಗಳನ್ನೇ ಕುರಿತ ಅಧ್ಯಯನ ಮಾಡುವ ಫೋಟೋನಿಕ್ಸ್‌  ಇಂಜಿನಿಯರಿಂಗ್‌ ಬ್ರಾಂಚ್‌ ಇತ್ತೀಚೆಗೆ ಹೆಚ್ಚು  ಬೇಡಿಕೆ ಪಡೆಯುತ್ತಿದೆ.

ಗ್ರಹ - ತಾರೆಗಳ ಅಧ್ಯಯನಕ್ಕೆ ಬಣ್ಣಗಳೇ ಆಸರೆ

ಬಾಹ್ಯಾಂತರಿಕ್ಷದಲ್ಲಿರುವ ಗ್ರಹ-ತಾರೆಗಳಲ್ಲಿರುವ ಮೂಲಧಾತುಗಳ ಅಧ್ಯಯನಕ್ಕೆ ಬಣ್ಣಗಳೇ ಆಧಾರ. ದ್ಯುತಿ ವಿಜ್ಞಾನದ ಪ್ರಕಾರ ದೃಷ್ಟಿಗೋಚರ ಬೆಳಕಿನ ರೋಹಿತ ಇರುವುದು ಅತಿ ಚಿಕ್ಕ ಭಾಗದಲ್ಲಿ- 400 ನ್ಯಾನೋಮೀಟರ್‌ಗಳಿಂದ 700 ನ್ಯಾನೋ ಮೀಟರುಗಳ ಅಂತರದಲ್ಲಿ 10ಧಿ-6 ಗಾತ್ರದಲ್ಲಿ! ನೇರಳೆ ಕಿರಣಗಳಿಂದಾಚೆಯ ಅತಿನೇರಳೆ ಕಿರಣಗಳು ಮತ್ತು ಕೆಂಪು ಕಿರಣಗಳಿಂದ ಆಚೆಗಿರುವ ಅವಗೆಂಪು ಕಿರಣಗಳು ದೃಷ್ಟಿಗೋಚರವೂ ಅಲ್ಲ ಮತ್ತು ಹಾನಿಕಾರವೂ ನಿಜ. ಅವುಗಳನ್ನು ಅಳೆಯಲಿಕ್ಕಾಗಿಯೇ ವಿಶೇಷ ಉಪಕರಣಗಳಿವೆ. ಬಾಹ್ಯಾಂತರಿಕ್ಷದಲ್ಲಿ ಈ ಅತಿನೇರಳೆ ಕಿರಣಗಳಾಚೆಗೂ, ಅವಗೆಂಪುಕಿರಣಗಳಾಚೆಗೂ ಬೆಳಕಿನ ಛಾಯೆಗಳಿದ್ದು ಅವುಗಳ ಅಧ್ಯಯನಕ್ಕಾಗಿಯೇ ವಿಶೇಷ ಎಕ್ಸ್‌ರೇ ಟೆಲಿಸ್ಕೋಪ್‌, ಇನ್‌ಫ್ರಾರೆಡ್‌ ಟೆಲಿಸ್ಕೋಪ್‌ ಮತ್ತು ಇತರ ಅತ್ಯಾಧುನಿಕ ಉಪಕರಣಗಳನ್ನು ಬಳಸಲಾಗುತ್ತಿದೆ. 


ಬಣ್ಣಗಳ ಕಣ್ಣಾಮುಚ್ಚಾಲೆ: 
ಇದು ವರ್ಣ ಅಂಧತ್ವ ನೀವು ಅಂದುಕೊಂಡ ಬಣ್ಣವೇ ಅಲ್ಲ ಅದು. ಆದರೆ ಅದೇ ಸತ್ಯ ಅಂತ ನಂಬುತ್ತೀರ. ಬೇರೆಯವರನ್ನೂ ನಂಬಿಸುತ್ತೀರ.

ನಿಮಗೆ ಕೆಲವು ಬಣ್ಣಗಳನ್ನು ನೋಡಲು ಸಾಧ್ಯವಾಗುತ್ತದೆ. ಆದರೆ, ಇತರ ವರ್ಣಗಳನ್ನು ನೋಡಲು ಸಾಧ್ಯವಾಗುವುದಿಲ್ಲ. ಉದಾಹರಣೆಗೆ ಕೆಂಪು ಮತ್ತು ಹಸಿರು ಬಣ್ಣಗಳ ನಡುವಿನ ವ್ಯತ್ಯಾಸ ಹೇಳಲು ಸಾಧ್ಯ. ಆದರೆ ನೀಲಿ ಮತ್ತು ಹಳದಿ ಬಣ್ಣಗಳನ್ನು ನೋಡಲು ಸಾಧ್ಯವಾಗುವುದಿಲ್ಲ.


ಏನಿದು? ವರ್ಣ ಅಂಧತ್ವ ಅಂದರೆ ಸಾಮಾನ್ಯ ಬೆಳಕಿನಲ್ಲಿ ಬಣ್ಣವನ್ನು ನೋಡಲು ಸಾಧ್ಯವಾಗದಿರುವಿಕೆ ಅಥವಾವೀಕ್ಷಿಸುವ ಸಾಮರ್ಥ್ಯದ ಕೊರತೆ ಅಥವಾ ವರ್ಣ ವ್ಯತ್ಯಾಸ ಜ್ಞಾನ ಇಲ್ಲದಿರುವಿಕೆ ಎಂದರ್ಥ. ಇದನ್ನು ಕಲರ್ ಬ್ಲೈಂಡ್‌ನೆಸ್ ಅಥವಾ ಕಲರ್ ವಿಷನ್ ಡಿಫಿಸಿಯೆನ್ಸಿ (ವರ್ಣ ದಷ್ಟಿ ಕೊರತೆ) ಅನ್ನಲಾಗುತ್ತದೆ. ವಾಸ್ತವವಾಗಿ ಅಂಧತ್ವ ಇರುವುದಿಲ್ಲ. ಆದರೆ ವರ್ಣ ದಷ್ಟಿಯ ಕೊರತೆ ಇರುತ್ತದೆ.

ಈ ಸಮಸ್ಯೆಗೆ ತೀರ ಸಾಮಾನ್ಯ ಕಾರಣ ರೆಟಿನಲ್ ಕೋನ್‌ಗಳ (ಅಕ್ಷಿ ಪಟಲದ ಗೋಪುರಾಕಾರದ ಕೋಶಗಳು) ಒಂದು ಅಥವಾ ಅದಕ್ಕಿಂತ ಹೆಚ್ಚು ಜೊತೆಗಳಲ್ಲಿ ಅಭಿವದ್ಧಿಯಾಗುವ ದೋಷ, ಇದರಿಂದ ಬೆಳಕಿನಲ್ಲಿ ಬಣ್ಣವನ್ನು ಗುರುತಿಸುವಿಕೆ ಹಾಗೂ ಮಾಹಿತಿಯನ್ನು ಆಪ್ಟಿಕ್ ನರ್ವ್‌ಗೆ (ದರ್ಪಣ ನರ) ಮಾಹಿತಿ ರವಾನಿಸುವಲ್ಲಿ ಸಮಸ್ಯೆ ಉಂಟಾಗುತ್ತದೆ.

ವಂಶವಾಹಿಗಳು ಉತ್ಪಾದಿಸುವ ಫೋಟೋಪಿಗ್ಮೆಂಟ್‌ಗಳು ಎಕ್ಸ್ ಕ್ರೊಮೊಸೋಮ್ ಮೇಲೆ ಕೊಂಡೊಯ್ಯಲ್ಪಡುತ್ತವೆ. ಇಂಥ ಕೆಲವು ವಂಶವಾಹಿಗಳು ನಾಪತ್ತೆಯಾದರೆ ಅಥವಾ ಹಾನಿಗೀಡಾದರೆ ಮಹಿಳೆಯರಿಗಿಂತ ಪುರುಷರಲ್ಲಿ ವರ್ಣ ಅಂಧತ್ವ ವ್ಯಕ್ತವಾಗುವ ಸಾಧ್ಯತೆ ಹೆಚ್ಚು. ಏಕೆಂದರೆ, ಪುರುಷರಲ್ಲಿ ಒಂದೇ ಒಂದು ಎಕ್ಸ್ ಕ್ರೊಮೊಸೋಮ್ ಇರುತ್ತದೆ. ಮಹಿಳೆಯರಲ್ಲಿರುವ ಎರಡು ಎಕ್ಸ್ ಕ್ರೊಮೊಸೋಮ್‌ಗಳಲ್ಲಿ ಒಂದೇ ಒಂದರ ಮೇಲಿನ ಕಾರ್ಯ ನಿರ್ವಹಿಸುವ ವಂಶವಾಹಿ ಅಗತ್ಯ ಫೋಟೊಪಿಗ್ಮೆಂಟ್‌ಗಳನ್ನು ಉತ್ಪಾದಿಸಲು ಸಾಕಾಗುತ್ತದೆ.

ಕಲರ್ ಬ್ಲೈಂಡ್‌ನೆಸ್ ಅಥವಾ ವರ್ಣ ಅಂಧತ್ವ ಸಮಸ್ಯೆ ಇದ್ದಾಗ ನಿಮಗೆ ಕೆಂಪು, ಹಸಿರು, ನೀಲಿ ಅಥವಾ ಈ ಬಣ್ಣಗಳ ಮಿಶ್ರಣವನ್ನು ಗುರುತಿಸಲು ಕಷ್ಟ. ಒಬ್ಬ ವ್ಯಕ್ತಿಗೆ ಯಾವುದೇ ಬಣ್ಣ ಕಾಣದಿರುವ ಪ್ರಕರಣ ಅಪರೂಪ. ಇದನ್ನು ಬಣ್ಣ ದಷ್ಟಿ ಸಮಸ್ಯೆ ಎಂದು ಹೇಳಬಹುದು.

ವರ್ಣ ಅಂಧತ್ವಕ್ಕೆ ಕಾರಣ
ಇದಕ್ಕೆ ಅನುವಂಶೀಯತೆ (ವಂಶವಾಹಿ) ಕಾರಣವಾಗಿದ್ದು, ಹುಟ್ಟಿದಿಂದಲೇ ಈ ದೋಷ ಇರುತ್ತದೆ.

ಕಣ್ಣಿನಲ್ಲಿ ಸಾಮಾನ್ಯವಾಗಿ ಮೂರು ರೀತಿಯ ಕೋನ್ ಸೆಲ್‌ಗಳು (ಗೋಪುರಾಕಾರದ ಕೋಶಗಳು) ಇರುತ್ತವೆ. ಪ್ರತಿಯೊಂದು ಕೋಶವು ಕೆಂಪು, ಹಸಿರು ಅಥವಾ ನೀಲಿ ಬೆಳಕಿಗೆ ಯಾವುದಾದರೂ ಒಂದಕ್ಕೆ ಸಂವೇದನೆ ಹೊಂದಿರುತ್ತದೆ. ಈ ಮೂರು ಮೂಲ ವರ್ಣಗಳ ವಿಭಿನ್ನ ಮೊತ್ತಗಳಿಗೆ ನಿಮ್ಮ ಕೋನ್ ಸೆಲ್‌ಗಳು ಸ್ಪಂದಿಸಿದಾಗ ನೀವು ಬಣ್ಣವನ್ನು ನೋಡಲು ಸಾಧ್ಯ. ರೆಟಿನಾದ ಮಧ್ಯ ಭಾಗದಲ್ಲಿರುವ ಮಾಕ್ಯುಲಾದಲ್ಲಿ ಈ ಕೋಶಗಳು ಕಂಡುಬರುತ್ತವೆ. ಕೋನ್ ಸೆಲ್‌ಗಳಲ್ಲಿ ಒಂದು ಕೋಶವು ಇಲ್ಲದಿದ್ದರೂ ಅಥವಾ ಅವುಗಳು ಸರಿಯಾಗಿ ಕಾರ್ಯನಿರ್ವಹಿಸದಿದ್ದರೂ ವರ್ಣ ಅಂಧತ್ವ ಕಂಡು ಬರುತ್ತದೆ.

ಇದಕ್ಕೆ ವೃದ್ಧಾಪ್ಯ, ಗ್ಲಾಕೋಮಾ, ಮಾಕ್ಯುಲರ್ ಡಿಜನರೇಷನ್, ಕ್ಯಾಟರಾಕ್ಟ್ ಅಥವಾ ಡಯಾಬಿಟಿಕ್ ರೆಟಿನೋಪತಿಯಂಥ ನೇತ್ರ ಸಮಸ್ಯೆಗಳು, ಕೆಲವು ಔಷಧಿಗಳ ಅಡ್ಡ ಪರಿಣಾಮಗಳು ಕಾರಣವಾಗಬಹುದು.

ನಿರ್ಧಾರ ಹೇಗೆ?
ಒಂದು ರೀತಿಯ ಪರೀಕ್ಷೆಯಲ್ಲಿ, ಅಕ್ಷರ ಅಥವಾ ಸಂಖ್ಯೆಯಂಥ ನಮೂನೆಯಲ್ಲಿ ನೀವು ಬಣ್ಣದ ಚುಕ್ಕಿಗಳನ್ನು ನೋಡಿ ಪತ್ತೆ ಮಾಡಲು ಪ್ರಯತ್ನಿಸಬೇಕು. ಈ ಪರೀಕ್ಷಾ ವಿಧಾನದಲ್ಲಿ ಯಾವ ಬಣ್ಣಗಳನ್ನು ಗುರುತಿಸುವುದು ನಿಮಗೆ ಕಷ್ಟ ಎಂಬುದನ್ನು ಪತ್ತೆ ಮಾಡುತ್ತಾರೆ. ಮತ್ತೊಂದು ವಿಧದ ಪರೀಕ್ಷೆಯಲ್ಲಿ ಬಣ್ಣಗಳು ಹೇಗೆ ಹೋಲಿಕೆಯಾಗುತ್ತವೆ ಎಂಬುದನ್ನು ನೋಡಬೇಕು. ವರ್ಣ ದಷ್ಟಿ ಸಮಸ್ಯೆಗಳಿರುವ ವ್ಯಕ್ತಿಗಳು ಕಲರ್ ಚಿಪ್ಸ್‌ಗಳನ್ನು ಸರಿಯಾಗಿ ಜೋಡಿಸಲು ಸಾಧ್ಯವಾಗುವುದಿಲ್ಲ.

ಅನುವಂಶೀಯ ವರ್ಣ ಅಂಧತ್ವ ಅಥವಾ ಬಣ್ಣ ದಷ್ಟಿ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು ಅಥವಾ ಸರಿಪಡಿಸಲು ಸಾಧ್ಯವಿಲ್ಲ.

ಕ್ಯಾಟರಾಕ್ಟ್ ವರ್ಣ ದಷ್ಟಿ ಸಮಸ್ಯೆಗೆ ಕಾರಣವಾಗಿದ್ದರೆ, ಸಾಮಾನ್ಯ ಬಣ್ಣ ದಷ್ಟಿ ಹೊಂದಲು ಕಣ್ಣಿನ ಪೊರೆಯನ್ನು ತೆಗೆಯುವ ಶಸ್ತ್ರಚಿಕಿತ್ಸೆ ಮಾಡಬೇಕಾಗುತ್ತದೆ.

ವರ್ಣ ದೃಷ್ಟಿ ಸಮಸ್ಯೆ ಸರಿಪಡಿಸುವ ಮಾರ್ಗ
ಕಲರ್ ಕಾಂಟ್ಯಾಕ್ಟ್ ಲೆನ್ಸ್‌ಗಳನ್ನು ಧರಿಸಬಹುದು. ಇದು ಬಣ್ಣಗಳ ನಡುವಿನ ವ್ಯತ್ಯಾಸ ಗುರುತಿಸಲು ನಿಮಗೆ ಸಹಾಯ ಮಾಡುತ್ತವೆ. ಆದರೆ, ಇಂಥ ಮಸೂರಗಳು ಸಾಮಾನ್ಯ ಬಣ್ಣ ದಷ್ಟಿಯನ್ನು ಒದಗಿಸುವುದಿಲ್ಲ ಹಾಗೂ ವಸ್ತುಗಳ ಸಮರ್ಪಕ ವೀಕ್ಷಣೆಗೆ ಅವಕಾಶ ನೀಡುವುದಿಲ್ಲ.

ಬೆಳಕಿನ ಹೊಳಪನ್ನು ತಡೆಯುವ ಕನ್ನಡಗಳನ್ನು ಧರಿಸಬಹುದು. ಕಡಿಮೆ ಬೆಳಕಿನ ಹೊಳಪು ಮತ್ತು ಬೆಳಕಿನ ಉಜ್ವಲತೆ ಕಡಿಮೆ ಇದ್ದಾಗ, ಬಣ್ಣ ದೃಷ್ಟಿ ಸಮಸ್ಯೆಗಳನ್ನು ಹೊಂದಿರುವ ಮಂದಿಗೆ ಬಣ್ಣಗಳ ನಡುವಿನ ವ್ಯತ್ಯಾಸ ಗುರುತಿಸಲು ಸಾಧ್ಯ. ಬಣ್ಣಗಳ ಬದಲು ಉಜ್ವಲತೆ, ಪ್ರಕಾಶತೆ ಅಥವಾ ಸ್ಥಳದಂಥ ಸುಳಿವು ಅರಿಯುವಿಕೆಯನ್ನು ಕಲಿಯಿರಿ. ಉದಾಹರಣೆಗೆ, ಸಂಚಾರ ದೀಪದ ಮೂರು ವರ್ಣದ ಬೆಳಕಿನ ಜೋಡಣೆ ಕ್ರಮವನ್ನು ನೀವು ಕಲಿಯಬಹುದು.

ಎಂದಿನ ನೇತ್ರ ಪರೀಕ್ಷೆಗಳ ವೇಳೆ ನಿಮ್ಮ ಮಗುವಿಗೆ ವರ್ಣ ಅಂಧತ್ವ ಅಥವಾ ಬಣ್ಣ ದಷ್ಟಿ ಸಮಸ್ಯೆಗಳು ಇರುವುದು ಪತ್ತೆಯಾಗುವಿಕೆಯನ್ನು ಖಾತ್ರಿ ಮಾಡಿಕೊಳ್ಳಿ. ಈ ದೋಷ ಇರುವುದು ನಿಮಗೆ ಗೊತ್ತಾದ ಕೂಡಲೇ ನೀವು ನಿಮ್ಮ ಮಗುವಿನ ನೆರವಿಗೆ ಧಾವಿಸಿ.


ಶಾಲೆಯಲ್ಲಿ ಬೆಳಕಿನ ಪ್ರಜ್ವಲತೆ ಇರದ ಸ್ಥಳದಲ್ಲಿ ನಿಮ್ಮ ಮಗು ಕುಳಿತುಕೊಳ್ಳಲು ಹಾಗೂ ನಿಮ್ಮ ಮಗು ನೋಡಲು ಸಾಧ್ಯವಾಗುವ ಬಣ್ಣದ ಸೀಮೆ ಸುಣ್ಣ ಬಳಸುವಂತೆ ಸಲಹೆ ಮಾಡಿ.